近日有朋友轉了新手機，我一如以往的幫忙由舊機過渡至新機。一直以來，Android系統舊機換新機是極度方便簡單，只需要在新機第一次設定時以相同的Google帳號登入，系統便會給你選擇是否由其他手機轉移資料至新機，所有應用程式及部份應用程式的資料、甚至wallpaper都會自動經雲端過渡至新機上，基本上只需處理whatsapp與wechat的資料轉換即可。
但不知道是Huawei EMUI的問題還是Android Oreo的變動問題，新機上所有wifi 設定一個也沒有給還原過來！在網上搜尋過一些手動處理 Android還原的方法，包括手動用bmgr (Android backup manager)和 adb backup都不見效，由於新舊機都沒有ROOT，所以直接抄 wpa_supplicant.conf這個方案亦不可行，舊機70多個wifi設定要手動逐個逐個重新設定實在不是辦法。
最後，唯有用一些時間，寫了個十分簡單的app，以讀取經 adb backup檔 extract出來的設定檔（extract 方法見 "How to extract, create or edit android adb backups"）或是直接抄出來的wpa_supplicant.conf，自動化地在新機重新設定所有wifi網絡。Case closed!
既然app已寫好，雖然簡單，但亦發佈至Play Store，供有緣人發現及使用。
WifiConfigRestorer
2017年11月24日星期五
為Android還原Wifi設定的終極方法
2017年10月25日星期三
一次為國內版Samsung Galaxy S6 (SM-G9209) root機及安裝 Google Service過程
是咁的，話說有朋友有部國內版Samsung Galaxy S6 (SM-G9209)，問我點解無Google Play Store，裝Apps好麻煩，可唔可以裝返Google Play Store。
事前準備：
1. 要root/裝 Google Play Service，當然係先裝個 custom recovery。用開TWRP，當然係上TWRP網站下載對應型號的recovery
2. 喺Samsung機上改recovery，當然係要用Odin，所以亦上Odin網站下載了
3. Google Play Service安裝檔，當然係上OpenGApps下載。S6 CPU係ARM64，Android Version係6，唔想裝咁多嘢，所以揀nano variant
4. Root的部份，以往會用SuperSU，但今時今日識用梗係用Magisk，Open source得嚟仲可以自由隱藏root，唔洗root完連開個Pokemon Go都唔得
5. 要用Odin成功連接PC與S6，下載Samsung Android USB driver
萬事俱備（我以為係），開工。
過程：
1. 安裝 Samsung Android USB driver，關S6，按vol down+home+power進入download mode，連接PC，運行Odin，成功！
2.嘗試用Odin寫入TWRP recovery，出現"CROM locked"而失敗；上網搵到原來要上Samsung Apps下載一個叫CROM Service的App去unlock bootloader先；
3. Unlock了bootloader同入download mode，用Odin寫入TWRP recovery，成功！但reboot後發現recovery就置換回原本的；
4. 試了幾次都如是，所以先嘗試root了機先，由於無TWRP，所以Magisk亦裝不了，唯有用ChainFire的CF-Auto-Root，下載了相應型號的CF-Auto-Root，再用Odin寫入，成功了！
5. 因為始終想用Magisk，所以root了後，dump了boot partition出來，用Magisk Manager的Patch功能來改Boot partition，然後用SuperSU的unroot清除CF-Auto-Root，最後再用Odin寫入已Patch的Magisk Boot Partition，成功用Magisk root！
6. 在已root的情況下寫入TWRP不同version，但皆無法進入custom recovery，反反覆覆嘗試都失敗，唯有回復至原廠recovery；
7. 在沒有custom recovery的情況下，下載ChainFire的FlashFire app，嘗試安裝Google Play Service，但出現error說system partition不夠空間；
8. 下載所需空間更小的pico variant，再次嘗試，但都係出現system partition空間不足情況。翻查記錄檔，原來只差1xx KB左右的空間。上網找資料，原來可以用gapps-config檔可微調安裝的元件。
9. 以gapps-config排除了Google TTS元件，終於成功安裝Google Play Service。Reboot 後終於見到Google登入和Google Play Store！
10. 但會每隔一段時間出現"Google Play服務已終止"，查logcat說取不到location權限。最後進入應用程式，查看每一個與Google有關的應用，檢查權限，發現Google Play Service一個權限也沒被授予，設定完權限後，已再沒有"Google Play服務已終止"，所有功能亦正常使用，成功了！
結案！
2015年6月17日星期三
同步Facebook頭像相片至電話聯絡人
電話嘅聯絡人可以存相片這個功能歷史攸久 ，即使以往嘅feature phone都已經有呢個功能。但相信一般人唔會逐個逐個為朋友影相再放入聯絡人，所以直至智能電話+Facebook的有機結合，電話聯絡人才會有較多機會有相片出現。
最初用HTC Sense嘅電話，入面我認為做得最好嘅就係聯絡人同Facebook嘅連結，因為一般聯絡人嘅名稱同Facebook friend嘅名稱唔相同，HTC Sense俾人可以手動連結，不單止咁，HTC Sense係會將有關的連結記錄（主要係facebook id）存儲喺相關聯絡人入面嘅備註欄位內。咁樣做嘅優點，就係即使你有日清除資料（如回復出廠設定）或換機（但只限同樣係HTC機），只要再同步，所有連結返晒嚟，唔洗再設定過！
後來轉了用非HTC Sense嘅電話，無咗呢個功能，但好在找到UberSync，識得認HTC Sense的記錄，非常好，一直用到今日。
但由於Facebook於1/5/2015開始強制使用新Graph API，而新的API限制程式取得Friend List，因此令市面上大部份使用Graph API同步Facebook頭像相片至電話聯絡人的Apps（如一直用開很好用的 UberSync）基本上變成無用，整個phonebook變回無相狀態。
後來發現，原來用facebook id下載用戶Facebook頭像相片係唔洗任何權限的，所以花咗啲時間，寫了ContactSyncDuck for Facebook 呢個App會讀取聯絡人內備註欄有facebook id的資料，再下載Facebook頭像相片至聯絡人。呢個App除了識讀HTC Sense所記下的連結記錄外，你亦可手動新增，格式為：<Facebook>id:facebookid</Facebook>
呢個App還有個好處，即使該人不是你的Facebook Friend，你照樣可以在備註欄新增該facebook id，一樣可以下載頭像相片。
至於點樣可以知道某Facebook朋友的facebook id呢？你可以開啟該人的Facebook page，然後用browser的檢視原始碼功能，搜尋profile id就可以搵到。但係簡單啲，可以用呢個網頁嘅功能去搵。
另外，如果該人更新了頭像相片，呢個App都會識得在下次同步時下載最新相片。
用咗之後，我個電話聯絡人終於回復番有相片嘅狀態啦！
2014年5月2日星期五
Android App - WifiDuck > 自動登入無線網絡熱點
我的第一個放上架的App，取名WifiDuck（duck在粵語發音與“得”相同，意即“掂”，鴨在粵語發音與"App"亦相近），可令Android機在支援的熱點自動進行web login，免卻人手開browser做登入。
主要功能
- 自動登入WiFi熱點
- Wifi任我行 (SSID: wifigo / wifigo-s)（澳門）
- 澳門電訊Wifi (SSID: ctm-wifi)（澳門）
- 澳門銀河公眾Wifi (SSID: PublicWifi)（澳門）
- 理工學院公眾Wifi (SSID: MPI_Public)（澳門）
- 鏡湖醫院Wifi (SSID: KW-OPD)（澳門）
- 政府Wifi通 (SSID: freegovwifi / freegovwifi-e)（香港）
- 國際機場Wifi (SSID: #HKAirport Free Wifi / #HKAirport Free Wifi1x)（香港）
- 電訊盈科訪港旅客免費 Wifi (SSID: PCCW Free)（香港）
- 設定無線熱點至系統
- 通知鈴聲（可設）
- 探測互聯網方式（可設）
- 自動更新
- 多語言（繁，簡，英）
2013年11月29日星期五
讓Google帳號綁定為外國的Google Play Store
身處澳門，要使用Android最大的問題，就係因為澳門為非可付費地區，結果以正常途徑(Google Play Store)的話，極大部分常用的apps（即使是可免費下載的）都是搜尋不到，下載不到，簡單到想裝個 facebook, whatsapp都無。
結果，大部份人都會走去啲大陸第三方市場下載apk，變晒做殭屍機 (中毐受殭屍網絡操控)都未知，仲以為裝個antivirus落手機就無事（仲要係大陸antivirus!!）。
要解決上述問題，之前都係靠每次在手機vpn或經電腦在Google Play Store下載，其實都幾煩，最近在網上google了一下，原來係有方法可以讓Google帳號綁定為外國的Google Play Store（我綁定為美國，其他網友成功綁定為法國、日本等），一經綁定，日後無論任何環境下開出來的Play Store都係外國的，搵app裝app都無難度！
- 在電腦用VPN登入Google Play Store；
VPN可google一下 "開心直通車"，或用豆荚加速器都係不錯的選擇，VPN的地點就選你想要綁定的地區，如美國、日本等。以美國為例，成功的話，會見隨了apps外，會有device同 books等在美國可使用的play store分區； - 隨便選一個收費apps或一本收費書，選擇購買；
- 在出現Google Wallet首次設置畫面內，隨便填上一些資料，不用輸入信用咭資料，最重要係zipcode填上一個真的美國zipcode，如02210 (用這個便可找到)；
- 綁定了Google Wallet後，便可按取消（又不是真的要買！）；
- 隨便選個該區的免費app或書（選書較好，因為肯定是該區的），購買下來；
- 大功告成！
訂閱：
文章 (Atom)